Die topverkoper Suid-Afrikaanse rockgroep, Prime Circle, is opgewonde om, “Music In Empty Spaces”, ‘n wêreldwye aanlyn vertoning wat op 28 Februarie gehou word, aan te kondig vanaf een van Suid-Afrika se grootste lokale, Die Ticketpro Dome, in Northgate, Johannesburg om 16:00 (CAT).
Kaartjies kos R250, vanaf www.computicket.com.
Daar is ‘n opsie “koop vir ‘n vriend” beskikbaar, wat ‘n unieke kode genereer waarop 10% afslag verkry kan word.
Die topverkoper Suid-Afrikaanse rockgroep, Prime Circle, is opgewonde om, “Music In Empty Spaces”, ‘n wêreldwye aanlyn vertoning wat op 28 Februarie gehou word, aan te kondig vanaf een van Suid-Afrika se grootste lokale, Die Ticketpro Dome, in Northgate, Johannesburg om 16:00 (CAT).
“20 jaar gelede het ons die eer gehad om die ‘opening act’ vir die wêreldbekende rockgroep +Live+ te wees tydens hul Birds Of Prey-toer, dit was by hierdie vertoning en ons uitvoering van HELLO, by die Ticketpro Dome, wat uiteindelik die gang van ons lewens bepaal het. Met hierdie diep geskiedenis is die lokaal vir ons uiters sentimenteel”, sê Ross Learmonth, voorsanger van Prime Circle.
Die Covid-19-beperkinge het ‘n vernietigende uitwerking op die lewensbestaan en moraal van kunstenaars wêreldwyd gehad, want live-shows maak gewoonlik die grootste deel van die inkomste van ‘n kunstenaar uit. Prime Circle is vasbeslote dat die pandemie hulle as ‘n band en die bedryf as geheel nie ineen sal laat stort nie, en dus die stap om so passievol en professioneel voort te gaan soos net hul kan. “Die tye het verander, ‘but the show must go on’.” voeg Learmonth by.
Kykers kan verwag om Prime Circle se grootste treffers te hoor soos; HALLO, SHE ALWAYS GETS WHAT SHE WANTS, PRETTY LIKE THE SUN, sowel as hul nuutste enkelsnit INNOCENCE. Hierdie interaktiewe optrede van 90 minute word ondersteun deur die massiewe klank- en beligtingsproduksie waarvoor die groep bekend is.
Kaartjies kos R250, vanaf www.computicket.com.
Daar is ‘n opsie “koop vir ‘n vriend” beskikbaar, wat ‘n unieke kode genereer waarop 10% afslag verkry kan word.
Oor Prime Circle:
Sedert hul debuut in 2002 is Prime Circle een van die mees gevierde rockgroepe in die Suid-Afrikaanse geskiedenis. Die orkes het tydens die historiese 46664 Nelson Mandela-konsert opgetree en het die verhoog gedeel met internasionale legendes soos Live, Metallica, Collective Soul, Simple Plan, Good Charlotte en Seether.
Die orkes het uitgebrei getoer en in die verloop van hul 20-jarige loopbaan by verskeie groot internasionale feeste opgetree en 9 vollengte albums uitgereik. Prime Circle is vereer met talle Suid-Afrikaanse musiektoekennings en het vele treffers bo-aan trefferparades gehad. Prime Circle bestaan uit lede Ross Learmonth (sang en kitaar); Marco Gomes (bas); Dale Schnettler (tromme); Neil Breytenbach (klawerbord) en Dirk Bisschoff (kitaar).
SOSIALE MEDIA
Facebook, Instagram, YouTube, Twitter
Webblad: http://www.primecircleband.com
