Louw van den Heever is verheug om die bekenstelling van sy nuwe lied MY HARTKLOP, aan te kondig.
Hierdie Afrikaanse musikant het weereens die harte van aanhangers regoor die hele land verower met ‘n treffer wat die siel sal aanroer.
MY HARTKLOP is ‘n aangrypende en vars lied wat op ‘n diep vlak met die siel resoneer. Van den Heever het met sy besonderse talente, as liedjieskrywer en vermoë om emosies in musiek vas te vang, ‘n meesterstuk geskep wat gehore sal laat terugkeer vir meer.
Die lied vertel die verhaal van die man se liefde vir die Bosveld en word metafories vergelyk met ‘n Bosveldvrou.
Dit bring ‘n universele boodskap oor elke Suid-Afrikaner se liefde vir die natuur en kultuur.
Louw van den Heever het reeds ‘n groot aanhang van lojale ondersteuners, en MY HARTKLOP sal beslis sy musikale reis verder neem.
Hy is bekend vir sy unieke stem en die vermoë om sy gehoor aan te raak met elke noot. Hierdie nuwe lied is geen uitsondering nie en sal hom as ‘n prominente figuur in die Suid-Afrikaanse musiekbedryf vestig.
Die publiek kan MY HARTKLOP geniet op alle groot musiekplatforms en dit deel met vriende en familie. Die musiekvideo, wat ‘n visuele vertolking van die lied bied, is beskikbaar op Youtube asook op sosiale media en musiekkanaal platforms.
Louw van den Heever wil sy hartlike dank uitspreek aan al sy ondersteuners en die hele span agter hierdie projek. Hy glo dat die lied ‘n spesiale plek in elkeen se hart sal vind en dat dit mense sal aanmoedig om die oomblikke van liefde en geluk te waardeer en die pyn van verlies te oorkom.
SOSIALE MEDIA
