Die Johannesburgse pop-sanger, Wayne Cumming, het sy musiekloopbaan op teaterverhoë begin en was deel van die geselskap wat regoor die Suid-Afrika asook die buiteland opgetree het. Nadat hy dramatiese kunste en film studeer het, het hy ‘n driedubbele bedreiging in die kunste geword (sang, dans en toneelspel). Hy begin sy smaak vir die kommersiële musiektoneel te ontwikkel toe hy ‘n aantal vertonings as agtergrondsanger vir Garth Taylor optree.
Oor die afgelope 17-jaar het Wayne honderde regstreekse musiek ekstravanganza-vertonings, huldeblyke en korporatiewe vertonings opgevoer by plekke soos Sun City, Caesars Palace, Baryard Theatre en Carnival City. Hy het onlangs sy fokus op die ateljee begin rig, en het sedertdien talle dekweergawes van Engelse en Afrikaanse liedjies vrygestel wat meer as 100 000 strome in ‘n baie kort tyd ingesamel het.
Nou is dit tyd vir sy debuut-vrystelling, UNTIL I FORGET YOU. Die lied is ‘n kragtige ’80’s popliedjie wat geskryf en vervaardig is deur multi-platinumverkope liedjieskrywer-en-vervaardiger Daniel Baron.
“Hierdie liedjie is ‘n bladsy uit my boek, uit ons almal se boeke. Ek het telling verloor van die aantal kere wat ek hierdie woorde gesê het en hierdie emosies ervaar het. UNTIL I FORGET YOU het heling gebring in my lewe.”, sê Wayne.
UNTIL I FORGET YOU is ‘n eerlike benadering van hartseer wat tog omlyn word met ‘n silwer rand – ‘n ballade in sy kern, wat toegedraai is in energieke retro-styl dromme. Dit alles word gekomplimenteer met Wayne se gladde rasperstem wat dit onmoontlik maak om nie hoendervleis te kry nie.
“Sedert ek die demo gehoor het, het ek net geweet dat dit die perfekte liedjie vir my eerste oorspronklike vrystelling is.” Hy praat verder oor die skeppingsproses van die lied. “Om saam met Daniel Baron te werk… Sjoe! Wat ‘n ervaring. Niemand leef musiek soos hy nie en hy verstaan kunstenaars net so goed. Ek kan hom nie genoeg bedank vir die hoeveelheid kundigheid wat hy in hierdie snit ingesit het nie. Tjorts, op nog vele vrystellings saam met The Hit Kitchen Studios.”
Wayne sal vanjaar voortgaan om regoor die land op te tree in ‘n verskeidenheid vertonings. Daar broei ook nog baie nuwe musiek en hy beplan om dit deur die loop van 2022 vry te stel.
SOSIALE MEDIA
